Ástrós Kristinsdóttir hefur verið ráðin markaðsstjóri Fastus ehf. en hlutverk hennar verður að móta og leiða leiða markaðsmál félagsins og endurmörkun þriggja vörumerkja auk stefnumótunar í kynningarmálum sem og innri og ytri markaðssetningu.
Um síðastliðin áramót sameinuðust Fastus, Expert, Expert kæling og GS Import í eitt félag. Hið sameinaða fyrirtæki ber heitið Fastus ehf., en starfsemi þess skiptist nú í tvö meginsvið, Fastus heilsu og Expert.
Ástrós Kristinsdóttir hefur verið ráðin markaðsstjóri Fastus ehf. en hlutverk hennar verður að móta og leiða leiða markaðsmál félagsins og endurmörkun þriggja vörumerkja auk stefnumótunar í kynningarmálum sem og innri og ytri markaðssetningu.
Um síðastliðin áramót sameinuðust Fastus, Expert, Expert kæling og GS Import í eitt félag. Hið sameinaða fyrirtæki ber heitið Fastus ehf., en starfsemi þess skiptist nú í tvö meginsvið, Fastus heilsu og Expert.
„Það er ákaflega spennandi að koma inn í nýtt starf sem er ekki fastmótað. Félagið á mikið inni í markaðsmálum og það er mitt hlutverk að leiða það verkefni farsællega. Ég er virkilega árangursdrifin og legg mikinn kraft og metnað í þau verkefni sem skipta mig máli,“ segir Ástrós.
Hún hefur unnið við markaðsmál síðastliðin fimm ár. Síðast starfaði hún sem viðskiptastjóri hjá auglýsingastofunni Hér&Nú. Þar á undan var hún aðstoðarmaður Ph.D, Þórhalls Arnar Guðlaugssonar prófessors við viðskiptafræðideild HÍ og þar áður starfaði hún sem fjármálaráðgjafi hjá Arion banka. Ástrós er með Bsc í viðskiptafræði frá Háskóla Íslands og auk þess með verðbréfaréttindi.
Fastus er flutt í nýjar höfuðstöðvar að Höfðabakka 7 í Reykjavík sem hýsir verslun, sýningareldhús, skrifstofur, verkstæði og vörulagerar fyrir bæði svið, auk varahlutalagers.
