Gerður Guðmundsdóttir hefur gengið til liðs við BBA//Fjeldco. Hún starfaði áður hjá Skattinum á eftirlits- og rannsóknarsviði en þar áður hjá Skattrannsóknarstjóra og á skatta- og lögfræðisviði Deloitte. Hún hefur víðtæka reynslu af skattamálum og hefur sinnt fjölbreyttum verkefnum tengdum því sviði. Greint er frá ráðningu hennar í fréttatilkynningu.
Gerður útskrifaðist með meistaragráðu í lögfræði frá Háskóla Íslands árið 2015 þar sem hún sérhæfði sig í skatta- og félagarétti og hlaut lögmannsréttindi árið 2017. Um þessar mundir er Gerður að ljúka tveggja ára meistaragráðu í skattarétti við Oxford háskóla.
Gerður Guðmundsdóttir hefur gengið til liðs við BBA//Fjeldco. Hún starfaði áður hjá Skattinum á eftirlits- og rannsóknarsviði en þar áður hjá Skattrannsóknarstjóra og á skatta- og lögfræðisviði Deloitte. Hún hefur víðtæka reynslu af skattamálum og hefur sinnt fjölbreyttum verkefnum tengdum því sviði. Greint er frá ráðningu hennar í fréttatilkynningu.
Gerður útskrifaðist með meistaragráðu í lögfræði frá Háskóla Íslands árið 2015 þar sem hún sérhæfði sig í skatta- og félagarétti og hlaut lögmannsréttindi árið 2017. Um þessar mundir er Gerður að ljúka tveggja ára meistaragráðu í skattarétti við Oxford háskóla.
Hún hefur einnig sinnt stundakennslu við lagadeild Háskóla Íslands í íslenskum og alþjóðlegum skattarétti og birt ritrýndar fræðigreinar. Jafnframt hefur hún sinnt stundakennslu í aðferðarfræði við lagadeild Háskólans í Reykjavík.
„Það er mikill fengur fyrir BBA//Fjeldco að fá Gerði til liðs við okkar öfluga teymi. Hennar yfirgripsmikla þekking og sérfræðireynsla mun nýtast sérstaklega vel fyrir áframhaldandi vöxt teymisins sem hefur sinnt skattaráðgjöf samhliða lögfræðilegri ráðgjöf í mörgum af stærstu viðskiptum hér á landi síðastliðin ár,“ segir í fréttatilkynningu BBA//Fjeldco.
