Sævar Már Atlason er nýr framkvæmdastjóri hugbúnaðarfyrirtækisins Aranja en hann tekur við af Ægi Þorsteinssyni sem hefur stýrt félaginu frá stofnun. Ægir verður þó áfram hjá Aranja, nú sem stjórnarformaður og stýrir allri vöruþróun.
Aranja ehf. er íslenskt hugbúnaðarfyrirtæki sem sérhæfir sig í stafrænum vörum. Fyrirtækið veitir alhliða ráðgjöf ásamt því að kenna námskeið á háskólastigi í forritun.
Sævar Már Atlason er nýr framkvæmdastjóri hugbúnaðarfyrirtækisins Aranja en hann tekur við af Ægi Þorsteinssyni sem hefur stýrt félaginu frá stofnun. Ægir verður þó áfram hjá Aranja, nú sem stjórnarformaður og stýrir allri vöruþróun.
Aranja ehf. er íslenskt hugbúnaðarfyrirtæki sem sérhæfir sig í stafrænum vörum. Fyrirtækið veitir alhliða ráðgjöf ásamt því að kenna námskeið á háskólastigi í forritun.
„Á síðustu 10 árum hefur Aranja umbreytt starfsemi sinni frá því að einblína á sérhæfða vefforritun yfir í alhliða hönnun og þróun á stafrænum vörum. Einnig hefur Aranja þróað öpp á borð við Hopp og Nova. Þessi þróun endurspeglar vöxt og stefnumótandi áherslur fyrirtækisins á fjölbreyttari þjónustu í stafrænum heimi,“ segir Ægir.
Sævar Már er hugbúnaðarverkfræðingur frá Háskólanum í Reykjavík og lauk þar meistaranámi með áherslu á nýsköpun. Hann hefur starfað hjá Aranja í þrjú ár og hefur yfir 12 ára reynslu af hugbúnaðargerð.
„Ég er þakklátur fyrir það traust sem mér er sýnt og að fá tækifæri til að vaxa innan félagsins. Aranja er leiðandi fyrirtæki á sviði hugbúnaðarlausna og hefur skapað sér sterkt orðspor síðustu 10 ár. Ég er því virkilega spenntur að takast á við nýjar áskoranir og frekari vöxt með öfluga teyminu hjá Aranja,“ segir Sævar Már.
