Breska netverslunin Asos hefur gefið út hálfsárs uppgjör félagsins, sem lauk þann 28. febrúar. Þar kemur fram að hagnaður félagsins hafi numið 14,8 milljónum punda fyrir skatt á tímabilinu ágúst 2021 til febrúar 2022. Þetta kemur fram í grein hjá The Times.
Þetta er mikil kúvending frá sama tímabili í fyrra þegar hagnaður netverslunarinnar nam 113 milljónum punda fyrir skatt. Asos, sem rekur netverslun fyrir fataverslanir og snyrtivörur, naut góðs af samkomutakmörkunum sem voru við lýði í kórónuveirufaraldrinum.
Sölutekjur Asos jukust einungis um eitt prósent á milli ára, fóru úr 1,97 milljörðum punda í 2 milljarða punda. Dræm aukning sölutekna lítur sérlega illa út þegar litið er til þess að tekjur félagsins hafa sögulega séð aukist um fjórðung á hverju ári. Í nóvember lagði félagið fram markmið þess efnis að vaxa um 15-20 prósent á hverju ári á næstu þremur árum.
Fyrirtækinu hefur ekki tekist að halda vextinum gangandi í kjölfar afléttinga á samkomutakmörkunum. Það virðist vera að nú þegar hefðbundnar fataverslanir hafa opnað á ný hafa viðskiptavinir Asos kosið að versla einnig föt í hefðbundnum verslunum.
Matt Dunn, fjármálastjóri Asos, segir Ómíkron bylgjuna í janúarmánuði hafa skapað vandræði í framboðskeðjunni. Þannig hafi Asos ekki getað boðið upp á nægilega fjölbreyttar vörur og salan þar af leiðandi dregist saman.
Sjá einnig: Asos stefnir á aðalmarkað
Asos tilkynnti fyrr á árinu að félagið stefndi á skráningu á aðalmarkað kauphallarinnar í London, en fyrirtækið hefur verið skráð á hliðarmarkaði þess, Alternative Investment Market, frá árinu 2001.
Asos keypti nýlega vörumerkin Topshop, Topman og Miss Selfridge úr þrotabúi Arcadia veldi Philip Green fyrir 330 milljónir punda.
Breska netverslunin Asos hefur gefið út hálfsárs uppgjör félagsins, sem lauk þann 28. febrúar. Þar kemur fram að hagnaður félagsins hafi numið 14,8 milljónum punda fyrir skatt á tímabilinu ágúst 2021 til febrúar 2022. Þetta kemur fram í grein hjá The Times.
Þetta er mikil kúvending frá sama tímabili í fyrra þegar hagnaður netverslunarinnar nam 113 milljónum punda fyrir skatt. Asos, sem rekur netverslun fyrir fataverslanir og snyrtivörur, naut góðs af samkomutakmörkunum sem voru við lýði í kórónuveirufaraldrinum.
Sölutekjur Asos jukust einungis um eitt prósent á milli ára, fóru úr 1,97 milljörðum punda í 2 milljarða punda. Dræm aukning sölutekna lítur sérlega illa út þegar litið er til þess að tekjur félagsins hafa sögulega séð aukist um fjórðung á hverju ári. Í nóvember lagði félagið fram markmið þess efnis að vaxa um 15-20 prósent á hverju ári á næstu þremur árum.
Fyrirtækinu hefur ekki tekist að halda vextinum gangandi í kjölfar afléttinga á samkomutakmörkunum. Það virðist vera að nú þegar hefðbundnar fataverslanir hafa opnað á ný hafa viðskiptavinir Asos kosið að versla einnig föt í hefðbundnum verslunum.
Matt Dunn, fjármálastjóri Asos, segir Ómíkron bylgjuna í janúarmánuði hafa skapað vandræði í framboðskeðjunni. Þannig hafi Asos ekki getað boðið upp á nægilega fjölbreyttar vörur og salan þar af leiðandi dregist saman.
Sjá einnig: Asos stefnir á aðalmarkað
Asos tilkynnti fyrr á árinu að félagið stefndi á skráningu á aðalmarkað kauphallarinnar í London, en fyrirtækið hefur verið skráð á hliðarmarkaði þess, Alternative Investment Market, frá árinu 2001.
Asos keypti nýlega vörumerkin Topshop, Topman og Miss Selfridge úr þrotabúi Arcadia veldi Philip Green fyrir 330 milljónir punda.
