Hlutabréfasjóðir í Bandaríkjunum áttu ágætis nóvembermánuð eftir þrjá dræma mánuði í röð. Meðalávöxtun hlutabréfasjóða nam 9,1% í mánuðinum samkvæmt gögnum Refinitiv Lipper en The Wall Street Journal greinir frá. Meðaltalsávöxtun á árinu er nú kominn upp í 13,4%.
Samkvæmt WSJ stefnir í ágætis desembermánuð fyrir hlutabréfasjóði en það var talið afar ólíklegt fyrir þremur vikum síðan.
Ákvörðun peningastefnunefndar bandaríska seðlabankans að halda vöxtum óbreyttum er sögð meginástæða þess að hlutabréf og hlutabréfasjóðir tóku við sér í nóvember.
Hlutabréfasjóðir í Bandaríkjunum áttu ágætis nóvembermánuð eftir þrjá dræma mánuði í röð. Meðalávöxtun hlutabréfasjóða nam 9,1% í mánuðinum samkvæmt gögnum Refinitiv Lipper en The Wall Street Journal greinir frá. Meðaltalsávöxtun á árinu er nú kominn upp í 13,4%.
Samkvæmt WSJ stefnir í ágætis desembermánuð fyrir hlutabréfasjóði en það var talið afar ólíklegt fyrir þremur vikum síðan.
Ákvörðun peningastefnunefndar bandaríska seðlabankans að halda vöxtum óbreyttum er sögð meginástæða þess að hlutabréf og hlutabréfasjóðir tóku við sér í nóvember.
Enn og aftur eru tæknifyrirtækin að leiða hækkanir á markaði en Nasdaq vísitalan, þar sem tæknifyrirtækin eru þungamiðjan, hefur hækkað um 37% á árinu.
Sem dæmi hækkaði hlutabréfasjóður Lipper, sem fjárfestir mestmegnis í stórum tæknifyrirtækjum, um 11% í nóvember og stendur ársávöxtun sjóðsins í 34%.
Alþjóðlegir hlutabréfasjóðir hækkuðu að meðaltali um 8,6% í nóvember og stendur meðaltals ársávöxtun í 10,8% í ár.
Þrjár helstu hlutabréfavísitölur Bandaríkjanna hækkuðu allar um meira en 8% í mánuðinum. Nasdaq vísitalan hækkaði um 10,7% og S&P 500 vísitalan hækkaði um 8,9%.
Dow Jones Jones vísitalan hækkaði um 8,8% í nóvembermánuði en það mun vera mesta mánaðarleg hækkun vísitölunnar síðan í janúar 2022.
Ávöxtunarkrafa ríkisskuldabréfa til tíu ára lækkaði á sama tíma og fór niður í 4,349% undir lok mánaðar en krafan var yfir 5% í lok október.