Kínverski fasteignarisinn Evergrande hefur fengið tveggja mánaða viðbótarfrest til að komast að samkomulagi við erlenda fjárfesta og forða sér frá gjaldþroti. Dómari í Hong Kong komst óvænt að þessari niðurstöðu í vikunni en fyrirtækið hafði áður fengið frest til 4. desember.

Evergrande fór í greiðsluþrot fyrir tveimur árum en fyrirtækið skuldaði þá hundruð milljarða dala og töpuðu fjölmargir fjárfestar umtalsverðum fjárhæðum en einn slíkur höfðaði mál vegna þessa í kjölfarið. Evergrande hefur nú frest til 29. janúar til að ná samkomulagi, ella verður það tekið til gjaldþrotaskipta.