Controlant tryggði sér samtals 80 milljóna dala fjármögnun, eða sem nemur 11 milljörðum króna, í fyrra. Hún fólst annars vegar í 40 milljóna dala fjármögnun sem leidd var af Gildi lífeyrissjóði með þátttöku annarra lífeyrissjóða ásamt einkafjárfestum og núverandi hluthöfum og hins vegar 40 dala milljóna lánsfjármögnun frá breska sjóðinum Apax Credit.
Controlant tryggði sér samtals 80 milljóna dala fjármögnun, eða sem nemur 11 milljörðum króna, í fyrra. Hún fólst annars vegar í 40 milljóna dala fjármögnun sem leidd var af Gildi lífeyrissjóði með þátttöku annarra lífeyrissjóða ásamt einkafjárfestum og núverandi hluthöfum og hins vegar 40 dala milljóna lánsfjármögnun frá breska sjóðinum Apax Credit.
Á aðalfundi í byrjun þessa mánaðar veittu hluthafar stjórn Controlant heimild fyrir frekari hlutafjáraukningu um allt að 50 milljónir dala, eða allt að 7 milljarða króna.
Gísli Herjólfsson, forstjóri Controlant, gerir ráð fyrir að félagið sæki sér aukið fjármagn í náinni framtíð. Félagið er með augun á að grípa vaxtartækifæri með auknu vöruframboði og framangreindri markaðssókn.
Tækni Controlant nái alveg niður í neytendapakkningar
Hann flokkar tekjumöguleika Controlant í grófum dráttum í þrennt. Næstu 12-18 mánuði horfir félagið á að ná kjarnalausnum sínum til stærri hluta af starfsemi núverandi viðskiptavina og með samningum við önnur stór lyfjafyrirtæki.
Til meðallangs tíma er horft til viðbóta ofan á núverandi lausnir sem munu sem dæmi gera lyfjafyrirtækjum kleift að nota vörurnar víðar, t.d. við klínískar rannsóknir og við vöktun á spítölum.
Langtímaverkefnið er að þróa vöruna Saga Card, en sambærileg IoT-vara er ekki til á markaði í dag. Hugmyndin er að fara með tækni Controlant alveg niður í neytendapakkningar á lyfjum til þess að gefa yfirsýn yfir ástand lyfja alveg frá framleiðslustað og þangað sem lyfin eru notuð.
„Við erum með stóran og þéttan kúnnahóp sem starfar á sama markaði. Við höfum unnið með þessum stóru lyfjafyrirtækjum í að greina helstu vandamál, þarfir og flöskuhálsa í aðfangakeðjunni. Þetta hjálpar okkur að þróa lausn sem getur leyst stór framtíðarvandamál og stuðlað að því að útrýma sóun í allri virðiskeðjunni.“
Fréttin er hluti af viðtali við Gísla í Viðskiptablaði vikunnar. Þar ræðir hann um gríðarleg vaxtartækifæri í kjarnastarfsemi Controlant og háleit markmið félagsins til framtíðar.
