S&P 500 hlutabréfavísitalan í Bandaríkjunum lokaði í yfir 5000 stigum í fyrsta sinn í sögunni á föstudaginn en fjárfestar vestanhafs virðast vongóðir á að vextir verði lækkaðir fyrr en ella.
Hlutabréfavísitölur á flestum mörkuðum í Evrópu hófu daginn á hækkunum og hefur Stoxx Europe 600 hækkað um hálft prósent frá opnum markaða
S&P 500 hlutabréfavísitalan í Bandaríkjunum lokaði í yfir 5000 stigum í fyrsta sinn í sögunni á föstudaginn en fjárfestar vestanhafs virðast vongóðir á að vextir verði lækkaðir fyrr en ella.
Hlutabréfavísitölur á flestum mörkuðum í Evrópu hófu daginn á hækkunum og hefur Stoxx Europe 600 hækkað um hálft prósent frá opnum markaða
Spá 2,9% verðbólgu
Samkvæmt Bloomberg hafa hlutabréf í fasteignafélögum leitt hækkanir á Evrópumarkaði í morgun á meðan olíufélögin leiða lækkanir eftir lækkun á heimsmarkaðsverði á olíu.
Von er á verðbólgutölum í Bandaríkjunum á morgun en fjárfestar víðs vegar um heiminn eru vongóðir á að ef ársverðbólga hefur hjaðnað verulega vestanhafs verða vextir lækkaðir fyrr en ella.
Hagfræðingar vestanhafs spá því að verðbólga muni mælast 2,9% í janúar sem yrði lækkun úr 3,4% milli mánaða, samkvæmt könnun meðal hagfræðinga sem Bloomberg framkvæmdi.
Yrði það í fyrsta skipti síðan í mars 2021 sem verðbólga myndi mælast undir 3%. Sem fyrr segir verða verðbólgutölur í Bandaríkjunum kynntar á morgun og mun Hagstofa Bretlands greina frá verðbólgutölum á miðvikudaginn.
