Lukasz Krupski, fyrrum starfsmaður Tesla, segir í samtali við fréttamiðilinn BBC að tæknin sem sjálfkeyrandi bílar fyrirtækisins notast við sé ekki nógu örugg til notkunar á almennum vegum. Hann segir að Tesla hafi ekki tekið mark á þessum áhyggjum þegar þær voru lagðar fyrir fyrirtækið.
Tesla hefur enn ekki svarað fyrirspurnum BBC en Elon Musk, framkvæmdastjóri Tesla, hefur lengi talað fyrir þessari tækni.
Lukasz Krupski, fyrrum starfsmaður Tesla, segir í samtali við fréttamiðilinn BBC að tæknin sem sjálfkeyrandi bílar fyrirtækisins notast við sé ekki nógu örugg til notkunar á almennum vegum. Hann segir að Tesla hafi ekki tekið mark á þessum áhyggjum þegar þær voru lagðar fyrir fyrirtækið.
Tesla hefur enn ekki svarað fyrirspurnum BBC en Elon Musk, framkvæmdastjóri Tesla, hefur lengi talað fyrir þessari tækni.
Í viðtali segir Lukasz að áhyggjur hans snúi fyrst og fremst að því hvernig gervigreind væri notuð til að knýja sjálfstýringarbúnað Tesla. Sjálfstýringin felur til dæmis í sér aðstoðarstýringu við að keyra og leggja í stæði.
„Að mínu mati er hvorki vélbúnaðurinn né hugbúnaðurinn tilbúinn. Þetta hefur í raun áhrif á okkur öll vegna þess að við erum í rauninni öll tilraunadýr á veginum. Jafnvel þó að þú eigir ekki Tesla sjálfur, þá ganga börnin þín meðfram gangstéttinni,“ segir Lukasz.
Hann bætir við að aðrir starfsmenn Tesla hefðu bent honum á að ökutækin ættu það til að bremsa af handahófi til að bregðast við hindrunum sem voru ekki til staðar. Þetta kemur einnig fram í gögnum og kvörtunum viðskiptavina sem Lukasz lak til þýska dagblaðsins Handelsblatt í maí.
Bandaríska dómsmálaráðuneytið hefur rannsakað fullyrðingar Tesla um getu og öryggi aksturseiginleika hjá bílum fyrirtækisins síðan í janúar. Umferðaröryggisstofnun Bandaríkjanna (NHTSA) hefur einnig dregið öryggi sjálfstýrikerfisins í efa.
