Örflöguframleiðandinn Nvidia birti langþráð uppgjör þriðja ársfjórðungs í gær en fjárfestar vestanhafs hafa fylgst náið með gengi fyrirtækisins í ár eftir gríðarlega hækkun á hlutabréfum þess í ár.
Tekjur Nvidia námu 18.1 milljarði dala á fjórðungnum sem samsvarar 2558 milljörðum íslenskra króna. Mun það vera vel yfir afkomuspá fyrirtækisins og 12% meira en spá FactSet en The Wall Street Journal greinir frá.
Rekstrarhagnaður nam 9.24 milljörðum dala sem samsvarar rúmlega 1300 milljörðum íslenskra króna sem er um 26% hærra en spár gerðu ráð fyrir.
Örflöguframleiðandinn Nvidia birti langþráð uppgjör þriðja ársfjórðungs í gær en fjárfestar vestanhafs hafa fylgst náið með gengi fyrirtækisins í ár eftir gríðarlega hækkun á hlutabréfum þess í ár.
Tekjur Nvidia námu 18.1 milljarði dala á fjórðungnum sem samsvarar 2558 milljörðum íslenskra króna. Mun það vera vel yfir afkomuspá fyrirtækisins og 12% meira en spá FactSet en The Wall Street Journal greinir frá.
Rekstrarhagnaður nam 9.24 milljörðum dala sem samsvarar rúmlega 1300 milljörðum íslenskra króna sem er um 26% hærra en spár gerðu ráð fyrir.
Fyrirtækið býst við enn meiri tekjum á fjórða ársfjórðungi en samkvæmt uppfærðri afkomuspá reiknar Nvidia með að hala inn um 20 milljörðum Bandaríkjadala á fjórða ársfjórðungi.
Svo virðist hins vegar vera þannig að ekki sé mikið rými fyrir frekari hækkanir á hlutabréfum félagsins en gengi Nvidia féll um 3% eftir opnun markaða vestanhafs.
Gengið hefur hækkað um 240% á árinu og um 1238% síðastliðin fimm ár. Gengið hækkaði örlítið í gær og fyrradag í aðdraganda uppgjörs.