Hlutabréf í útgerðarfyrirtækinu Brim hafa hækkað um ríflega 20% frá miðjum nóvember þegar félagið birti árshlutauppgjör þriðja ársfjórðungs.
Dagslokagengið 15. nóvember var 66 krónur og stendur gengi félagsins í 79,4 krónum þegar þetta er skrifað en yfir 1,4 milljarða króna velta hefur verið með bréf félagsins í dag.
Hlutabréfaverð Brims hefur hækkað um 17% síðastliðinn mánuð en bréfin hafa lækkað um 9% á árinu.
Hlutabréf í útgerðarfyrirtækinu Brim hafa hækkað um ríflega 20% frá miðjum nóvember þegar félagið birti árshlutauppgjör þriðja ársfjórðungs.
Dagslokagengið 15. nóvember var 66 krónur og stendur gengi félagsins í 79,4 krónum þegar þetta er skrifað en yfir 1,4 milljarða króna velta hefur verið með bréf félagsins í dag.
Hlutabréfaverð Brims hefur hækkað um 17% síðastliðinn mánuð en bréfin hafa lækkað um 9% á árinu.
Í uppgjöri félagsins fyrir þriðja ársfjórðung kom fram að Brim hagnaðist um 24,8 milljónir evra, eða sem nemur 3,7 milljörðum króna, á gengi dagsins, sem er 6,9% aukning frá sama tíma í fyrra.
Tekjur Brims á þriðja fjórðungi jukust um 1,5% milli ára og námu 113,3 milljónum evra, eða um 17,4 milljörðum króna. Rekstrarhagnaður fyrir afskriftir (EBITDA) dróst saman um 2,3% frá fyrra ári og nam 33,4 milljónum evra eða um 5,1 milljarði króna á fjórðungnum.
„Afkoma fjórðungsins er sambærileg því sem var í fyrra og sýnir hve mikilvægt er að vera með fjölbreyttan rekstur. Það er óvissa í Evrópu núna vegna stríðs og verðbólgu,“ segir Guðmundur Kristjánsson, forstjóri Brims.
„Erfitt er að spá um hvað gerist á okkar afurðamörkuðum á næstu mánuðum en það styrkir Brim að vera með margar tegundir afurða eins og sést á þessum ársfjórðungi þar sem verð á lýsi og mjöli voru góð. Sterkt og gott sölunet styrkir alla þætti starfseminnar á tímum eins og núna. Efnahagur félagsins er traustur og eiginfjárstaðan góð.
En það er líka óvissa á Íslandi en óvissuna má minnka ef atvinnulífið, bæði atvinnurekendur og verkalýðsfélög, hefja strax málefnalegt og skynsamlegt samtal við stjórnvöld um hvernig við ætlum að ná niður verðbólgunni.“
