Hlutabréfaverð Marels hefur hækkað töluvert síðustu vikur og farið upp um 23% síðastliðinn mánuð. Gengi Marels fór undir 400 krónur í lok september og fór lægst í 327 krónur 9. nóvember en gengi félagsins hafði þá ekki verið lægra síðan í janúar 2018.
Gengið stendur nú í 460 krónum eftir tæpa 3% hækkun í 470 milljón króna viðskiptum í dag en gengið hefur nú hækkað átta viðskiptadaga í röð.
Hlutabréfaverð Marels hefur hækkað töluvert síðustu vikur og farið upp um 23% síðastliðinn mánuð. Gengi Marels fór undir 400 krónur í lok september og fór lægst í 327 krónur 9. nóvember en gengi félagsins hafði þá ekki verið lægra síðan í janúar 2018.
Gengið stendur nú í 460 krónum eftir tæpa 3% hækkun í 470 milljón króna viðskiptum í dag en gengið hefur nú hækkað átta viðskiptadaga í röð.
Hlutabréf Marels tóku dýfu í maímánuði á árinu þegar félagið birti uppgjör fyrsta ársfjórðungs en þar kom fram að hagnaður fjórðungsins væri 9,1 milljónir evra sem er lækkun úr 21,7 milljónum evra á milli ára.
Gengið fór undir 500 krónur og féll um 17,6% á einum degi. Markaðsvirði Marel féll um 80 milljarða króna sama dag.
Uppgjör annars og þriðja ársfjórðungs voru einnig undir væntingum en gengislækkanir í kjölfarið voru ekki jafn drastískar og í vor.
Árni Oddur Þórðarsson steig til hiðar sem forstjóri Marel eftir að Arion Banki leysti til sín bréf hans Eyri Invest, leiðandi fjárfestis í Marel, í byrjun nóvember.
Árslækkun undir 6%
Eftir að hafa verið í sterkum lækkunarfasa frá og með byrjun september tók verðþróunin kipp upp á við 23. október eftir að fréttir birtust af því að erlendir aðilar væru að kanna yfirtöku á félaginu.
Kauphallartilkynning Marels um að bandaríska matvælafyrirtækið John Bean Technologies væri að íhuga yfirtökutilboð höfðu sambærileg áhrif á gengið sem hefur síðan hækkað stöðugt síðustu vikur.
Gengislækkun Marel á árinu eftir hækkanir síðustu vikur nemur nú 5,7%.
