Hlutabréfaverð Marel hefur lækkað um rúm 5% það sem af er degi í 350 milljón króna viðskiptum.
Gengi Marles hefur átt erfitt uppdráttar í septembermánuði og lækkað um tæp 13% síðastliðinn mánuð.
Gengið náði sögulegri lægð í júnímánuði þegar það fór undir 410 krónur en það stóð hæst í 966 krónum í september 2021.
Hlutabréfaverð Marel hefur lækkað um rúm 5% það sem af er degi í 350 milljón króna viðskiptum.
Gengi Marles hefur átt erfitt uppdráttar í septembermánuði og lækkað um tæp 13% síðastliðinn mánuð.
Gengið náði sögulegri lægð í júnímánuði þegar það fór undir 410 krónur en það stóð hæst í 966 krónum í september 2021.
Dagslokagengi Marel í gær var 438 krónur en gengið stendur nú 413 krónum.
Gengislækkun Marel hefur haft neikvæð áhrif á úrvalsvísitöluna OMXI 10 sem hefur lækkað um 1,6% í dag.
Markaðsvirði Marel tók högg í byrjun maí þegar félagið birti ársfjórðungsuppgjör fyrsta ársfjórðungs.
Gengið fór undir 500 krónur og féll um 17,6% á einum degi. Markaðsvirði Marel féll um 80 milljarða króna sama dag.
Í uppgjörinu kom fram að Marel hagnaðist um 9,1 milljónir evra á fyrsta ársfjórðungi, eða sem nemur 1,35 milljörðum króna miðað við gengið í lok mars.
Til samanburðar hagnaðist félagið um 21,7 milljónir evra á sama fjórðungi í fyrra.
Mótteknar pantanir námu 362,6 milljónum evra samanborið við 421,7 milljónir evra á sama tíma í fyrra. Stóð pantanabókin í 590,4 milljónum evra í lok fyrsta ársfjórðungs og dróst saman um 6% milli ára.
