Hlutabréf bandaríska bílaframleiðandans Nikola Corp. hækkuðu um 32,2% eftir að fyrirtækið tilkynnti um að fyrsti vörubíllinn með vetnisrafali verður afhentur í lok mánaðar.
Gengi Nikola hefur verið í mikilli lægð síðustu mánuði og verið minna en einn dala virði síðustu fjóra daga.
Gengið er nú 1,15 Bandaríkjadalir en gengið stóð hæst í 66 dölum árið 2020.
Bílaframleiðandinn hefur ekki átt sjö dagana sæla en gengið hrundi í lok ágúst eftir að fyrirtækið tilkynnti um sölu á breytanlegum skuldabréfum að fjárhæð 325 milljón bandaríkjadala sem samsvarar ríflega 43 milljörðum íslenskra króna.
Hlutabréf bandaríska bílaframleiðandans Nikola Corp. hækkuðu um 32,2% eftir að fyrirtækið tilkynnti um að fyrsti vörubíllinn með vetnisrafali verður afhentur í lok mánaðar.
Gengi Nikola hefur verið í mikilli lægð síðustu mánuði og verið minna en einn dala virði síðustu fjóra daga.
Gengið er nú 1,15 Bandaríkjadalir en gengið stóð hæst í 66 dölum árið 2020.
Bílaframleiðandinn hefur ekki átt sjö dagana sæla en gengið hrundi í lok ágúst eftir að fyrirtækið tilkynnti um sölu á breytanlegum skuldabréfum að fjárhæð 325 milljón bandaríkjadala sem samsvarar ríflega 43 milljörðum íslenskra króna.
Nikola hefur hingað til sérhæft sig í að framleiða þunga rafknúna vörubíla og var fyrirtækið það fyrsta til að selja tvinnbíla sem gengu fyrir bæði rafmagni og metangasi.
Samhliða tilkynningunni um skuldabréfaútboðið greindi fyrirtækið frá því að óvissa ríkir um hvenær framleiðsla á rafknúnum vörubílum fyrirtækisins geti haldið áfram eftir að fyrirtækið innkallaði 209 bíla nýverið eftir eldsvoða í einum bíl.
Rannsókn leiddi í ljós að galli í rafgeyma bílsins hafi verið orsökin af eldsvoðanum.
Nikola á enn langt í land með að ná vopnum sínum en gengið hefur fallið um 48% á árinu.
Stephan Grisky framkvæmdastjóri fyrirtækisins sagði á fjárfestakynningu í gær að innköllun fyrirtækisins á rafbílum bílnum hefði engin áhrif á vetnisbílaframleiðsluna.
Fyrirtækið hyggst fagna því þegar fyrsti bíllinn verður afhentur kaupanda þann 28. september.
