Hlutabréf í Símanum hafa hækkað um tæp 6% í morgun í 204 milljón króna viðskiptum.
Gengi Símans stendur í 9,5 krónum þegar þetta er skrifað en dagslokagengið 29. nóvember var 8,6 krónur.
Hlutabréfaverð Símans hefur þannig hækkað um rúm 10% á síðustu þrem viðskiptadögum.
Hlutabréf í Símanum hafa hækkað um tæp 6% í morgun í 204 milljón króna viðskiptum.
Gengi Símans stendur í 9,5 krónum þegar þetta er skrifað en dagslokagengið 29. nóvember var 8,6 krónur.
Hlutabréfaverð Símans hefur þannig hækkað um rúm 10% á síðustu þrem viðskiptadögum.
Hlutabréf Símans hafa hækkað um 13% síðastliðinn mánuð.
Tvö stór viðskipti áttu sér stað um tíuleytið í morgun með um 10 milljón hluti í Símanum.
Annars vegar fimm milljón hlutir á genginu 9,33 kr og hins vegar fimm milljón hlutir á genginu 9,30 kr.
Hagnaður Símans á þriðja fjórðungi nam 507 milljónum króna borið saman við 718 milljónir á sama tímabili í fyrra eftir að búið er að leiðrétta fyrir aflagðri starfsemi.
Hagnaðurinn dróst því saman um 29% þrátt fyrir að tekjur félagsins hafi verið 5% meiri en í fyrra.
Í uppgjöri Símans segir að ýmsar ástæður liggja að baki en kostnaðarverð sölu jókst meira en tekjur í krónum talið og minnkaði framlegð úr 2.335 milljónum í 2.216 milljónir.
Aðrar tekjur voru 22 milljónum króna minni og rekstrarkostnaður 80 milljónum króna meiri. Fjármagnsgjöld voru einnig 303 milljónir borið saman við 165 milljónir í fyrra.
