Þórdís Kolbrún Reykfjörð Gylfadóttir fjármálaráðherra sagði á Viðskiptaþingi í gær að mikil þörf væri fyrir fjölbreyttari rekstrarformi í bæði mennta- og heilbrigðiskerfinu. Sagði hún jafnframt að það væri hlutverk ríkisins að tryggja að þjónusta væri veitt fremur en að veita hana sjálf.
Þórdís var ásamt Kristrúnu Frostadóttur, formanni Samfylkingarinnar, og Einari Þorsteinssyni borgarstjóra í pallsborðsumræðum á þinginu.
Yfirskrift Viðskiptaþings í ár var Hið opinbera: Get ég aðstoðað? Á þinginu var fjallað um gríðarlegt umfang ríkisins á sviðum sem einkaaðilar geta hæglega sinnt.
Þórdís Kolbrún Reykfjörð Gylfadóttir fjármálaráðherra sagði á Viðskiptaþingi í gær að mikil þörf væri fyrir fjölbreyttari rekstrarformi í bæði mennta- og heilbrigðiskerfinu. Sagði hún jafnframt að það væri hlutverk ríkisins að tryggja að þjónusta væri veitt fremur en að veita hana sjálf.
Þórdís var ásamt Kristrúnu Frostadóttur, formanni Samfylkingarinnar, og Einari Þorsteinssyni borgarstjóra í pallsborðsumræðum á þinginu.
Yfirskrift Viðskiptaþings í ár var Hið opinbera: Get ég aðstoðað? Á þinginu var fjallað um gríðarlegt umfang ríkisins á sviðum sem einkaaðilar geta hæglega sinnt.
Snorri Másson, ritstjóri Ritstjórans, stýrði pallborðinu og hóf umræðurnar á að biðja stjórnmálamennina um að sýna afstöðu sína til mismunandi „frelsismála“ með handabendingu.
Þórdís Kolbrún rétti ein upp hönd er Snorri spurði um hvort ríkið ætti að hætta að selja áfengi í smásölu. „Það er ágætis spurning. Ég held að einkaaðilum sé alveg treystandi fyrir því,“ sagði Einar en Kristrún setti varnagla á sitt svar.
„Það skiptir máli hvaða einkaaðilar það eru. Ég dreg línuna þar, ríkið á kannski ekki að reka þetta en það er annað að geta keypt þetta út í Bónus,“ sagði Kristrún. „Af hverju getum við verið með apótek en ekki sérvöruverslanir en þetta er aðgengismál og það er lína þarna. Ég veit þetta er loðið svar enn,“ sagði Kristrún.
© HAG / AÐSEND (HAG / AÐSEND)
Einar og Kristrún voru fljót að svara því neitandi er Snorri spurði hvort ríkið eigi að stíga út af fjölmiðlamarkaði. Þórdís Kolbrún sagði hlutverk ríkisins gagnvart fréttum væri nú alveg vissulega eitthvað „en sex þúsund milljónir í alls konar finnst mér algjör óþarfi.“
„En viljið þið sjá aðkomu einkaaðila í heilbrigðisþjónustu?“ spurði Snorri þá og var Þórdís Kolbrún fljót að svara „að sjálfsögðu.“
Kristrún gerði að nýju grein fyrir svari sínu og sagði að það skipti máli hvar það væri.
„Þetta gengur ágætlega á heilsugæslunni þar sem þú ert með mjög vel skilgreinda þjónustu sem er verið að kaupa en annars staðar er þetta flóknara. Þar sem ef eitthvað fer úrskeiðis þá endar það á bráðamóttökunni og þá borgar einhver brúsann,“ sagði Kristrún.
Sér skatta eins og hver önnur útgjöld
Snorri spurði þá hvort hún vildi aðkomu einkaaðila í sjúkrahúsrekstri? „ „Já eða?“ og sagði Kristrún spurningarnar of almennar og málið væri flóknara en það. „En það er hægt að gera ýmislegt“ sagði Kristrún.
Spurð hvort þau vildu hækka skatta sögðu Einar og Þórdís nei í kór á meðan Kristrún gerði grein fyrir svari sínu að nýju.
„Ekkert sérstaklega nei. Markmiðið mitt er ekki að hækka skatta. Markmiðið er að ríkið sé rekið til að þjóna fólkinu í landinu. Svo þarf að horfa á skatta eins og hvert annað hagstjórnunartól. Í dag erum við með bullandi háa vexti og bullandi háa verðbólgu og ég horfi á þetta bara sem útgjöld alveg eins og skattar eru útgjöld.“
Snorri spurði síðan hvort þau vildu sjá meiri einkarekstur í skólakerfinu greip Þórdís orðið.
„Að sjálfsögðu. Það er öskrandi þörf á fjölbreyttara rekstrarformi í menntakerfinu og þar sem öll þessi helstu kerfi eiga sameiginlegt er að það sé samstaða um að þeim sé almennilega sinnt og hlutverk ríkisins er að sjá um að þjónustan sé til staðar. Það er ekki hlutverk ríkisins að hið opinbera sé að veita þjónustuna heldur að hún sé veitt,“ sagði Þórdís Kolbrún.
Máli sínu til stuðnings vitnaði hún í skoðanakönnun sem hafði verið varpað upp á skjáinn fyrir fundargesti fyrr um daginn.
„Mér fannst mjög hressandi að sjá að 47% þeirra sem voru spurðir vildu sjá meiri einkarekstur í heilbrigðis- og menntakerfinu því það er langt yfir fylgi Sjálfstæðisflokksins og meira segja ef þú tækir Viðreisn svona á góðum dögum með.“
Kristrún sagði einkarekstur í skólakerfinu líkt og ÁTVR vera í grunninn aðgengismál.
„Það er ýmislegt sem hægt er að útvíkka. Ég er hugsi yfir húsnæði til dæmis og viðhaldi á húsnæði almennt. Við höfum slæma reynslu af því að halda utan um slíkar eignir. Ég hef áhyggjur af veitingu þjónustunnar og þetta er aðgengismál.“
Einar var á því að sjálfstætt reknir skólar væru mikilvægir fyrir menntakerfið.
„Mér finnst sjálfstætt reknir skólar veita svo mikla dýnamík inn í skólamálin á öllum skólastigum. Við höfum séð það sérstaklega á háskólastiginu þar sem innkoma sjálfstætt rekinna skóla hefur lyft ríkisháskólanum en líka á leik- og grunnskólastiginu. Ég held að rekstur og aðgengi og öll svona kerfi þurfi dýnamík og sjálfstætt reknir skólar skipta þar lykilmáli,“ sagði Einar.
