Leigutekjur Reita námu 15,1 milljörðum króna í fyrra sem er hækkun úr 13,5 milljörðum frá árinu áður. Rekstrarkostnaður fjárfestingareigna félagsins jókst einnig og fór úr 3,6 í 4,1 milljarð á milli ára.
Rekstararhagnaður ársins nam 20,9 milljörðum króna og næstum tvöfaldaðist á milli ára en hann nam 10,9 milljörðum árið 2022.
Heildarhagnaður félagsins jókst gríðarlega á milli ára og fór úr 675 milljónum í 7,5 milljarða árið 2023 en það samsvarar um 1011% aukningu á milli ára.
Leigutekjur Reita námu 15,1 milljörðum króna í fyrra sem er hækkun úr 13,5 milljörðum frá árinu áður. Rekstrarkostnaður fjárfestingareigna félagsins jókst einnig og fór úr 3,6 í 4,1 milljarð á milli ára.
Rekstararhagnaður ársins nam 20,9 milljörðum króna og næstum tvöfaldaðist á milli ára en hann nam 10,9 milljörðum árið 2022.
Heildarhagnaður félagsins jókst gríðarlega á milli ára og fór úr 675 milljónum í 7,5 milljarða árið 2023 en það samsvarar um 1011% aukningu á milli ára.
„Eins og áður grundvallast stöðugur rekstur Reita á sterku og stöðugu fjárflæði frá útleigu til öflugra viðskiptavina. Tekjuflæðið nýtist síðan meðal annars til fjárfestinga í þróun húsnæðis, viðhalds- og endurbótaverkefna, fasteignakaupa og greiðslu arðs til hluthafa,“ segir Guðjón Auðunsson, fráfarandi forstjóri Reita í uppgjörinu.
Eigið fé félagsins nam 60 milljörðum við árslok 2023 og voru heildareignir félagsins metnar á 193 milljarða. Eiginfjárhlutfall í lok árs var 31,2% og á meðan var skuldsetningarhlutfall félagsins 58,9%.
„Uppskeran af fjárfestingaverkefnum á árinu 2023 var mjög góð. Til dæmis skilaði fyrsta rekstrarár Kúmen í Kringlunni stórauknum gestafjölda í húsið og Holtagarðar tóku stakkaskiptum með fimm nýjum verslunum. Stækkun vöruhúss Aðfanga um 2.700 fermetra var liður í framlengdum leigusamningi um húsnæði í Skútuvogi til Haga og Pósthús Foodhall í miðbænum hefur reynst vinsælt,“ segir Guðjón.
Reitir greina frá því í uppgjörinu að horfur ársins 2024 séu óbreyttar og er gert ráð fyrir tekjum á bilinu 15.900 - 16.100 milljónum króna og rekstrarhagnaði fyrir matsbreytingu á bilinu 10.900 - 11.100 milljónum.
Forsendur matsins eru um 6% hækkun verðlags milli ára, að nýtingarhlutfall ársins 2024 verði sambærilegt við nýtingu ársins 2023 og að fasteignagjöld verði lægri að raunvirði.
Helstu verkefni félagsins á árinu eru uppbygging hótels við Laugaveg 176 og áframhaldandi uppbygging 7.000 fermetra sérhæfðs spítalahúsnæðis við Ármúla 7-9.
„Mikilvægir áfangar munu klárast í skipulagningu fyrsta áfanga Kringlureitsins á síðari hluta árs 2024. Þá er reiknað með að gatnagerð hefjist á næstu mánuðum í Korputúni, nýju 90 þúsund fermetra atvinnuhverfi sem Reitir eru með í mótun á mörkum Mosfellsbæjar og Reykjavíkur,“ segir Guðjón.
