Síldarvinnslan hefur gengið frá kaupum á helmingshlut í sölufyrirtækinu Ice Fresh Seafood. Þetta kemur fram í Kauphallartilkynningu félagsins en með því lýkur viðræðum sem fyrst var tilkynnt um í lok mars á þessu ári.
Verðmæti Ice Fresh Seafood í viðskiptunum er metið 42,9 milljónir evra sem jafngildir 1,76 sinnum bókfært virði eigin fjár þess hinn 31. desember 2022.
Viðskiptin felast í sér að Síldarvinnslan kaupir núverandi hluti Samherja fyrir 10,7 milljónir evra, sem samsvarar rúmlega 1,5 milljörðum króna, og hins vegar útgáfu nýs hlutafjár í Ice Fresh Seafood að fjárhæð 21,5 milljónir evra.
Heildarvirði Ice Fresh Seafood eftir hlutafjáraukninguna verður 64,4 milljónir evra sem samsvarar 9,3 milljörðum króna og fjárfesting Síldarvinnslunar nemur 32,2 milljónum evra sem samsvarar rúmlega 4,6 milljörðum króna.
Samherja er eigandi að 30,06% hlut í Síldarvinnslunni og Þorsteinn Már Baldvinsson, stjórnarformaður Síldarvinnslunnar, er jafnframt forstjóri Samherja.
Samkvæmt tilkynningu félagsins vék Þorsteinn Már úr stjórn Síldarvinnslunnar hf. við meðferð málsins og kom ekki að ákvörðunartöku vegna þess.
Síldarvinnslan hefur gengið frá kaupum á helmingshlut í sölufyrirtækinu Ice Fresh Seafood. Þetta kemur fram í Kauphallartilkynningu félagsins en með því lýkur viðræðum sem fyrst var tilkynnt um í lok mars á þessu ári.
Verðmæti Ice Fresh Seafood í viðskiptunum er metið 42,9 milljónir evra sem jafngildir 1,76 sinnum bókfært virði eigin fjár þess hinn 31. desember 2022.
Viðskiptin felast í sér að Síldarvinnslan kaupir núverandi hluti Samherja fyrir 10,7 milljónir evra, sem samsvarar rúmlega 1,5 milljörðum króna, og hins vegar útgáfu nýs hlutafjár í Ice Fresh Seafood að fjárhæð 21,5 milljónir evra.
Heildarvirði Ice Fresh Seafood eftir hlutafjáraukninguna verður 64,4 milljónir evra sem samsvarar 9,3 milljörðum króna og fjárfesting Síldarvinnslunar nemur 32,2 milljónum evra sem samsvarar rúmlega 4,6 milljörðum króna.
Samherja er eigandi að 30,06% hlut í Síldarvinnslunni og Þorsteinn Már Baldvinsson, stjórnarformaður Síldarvinnslunnar, er jafnframt forstjóri Samherja.
Samkvæmt tilkynningu félagsins vék Þorsteinn Már úr stjórn Síldarvinnslunnar hf. við meðferð málsins og kom ekki að ákvörðunartöku vegna þess.
Kaupa einnig fjögur erlend félög
Samhliða þessum viðskiptum mun Ice Fresh Seafood ganga frá kaupum á eignarhlutum í erlendum sölufélögum sem fyrirtækið hefur átt í farsælu viðskiptasambandi við undanfarin ár.
Um er að ræða helmingshlut í Seagold Ltd. í Bretlandi, 100% eignarhlut í Ice Fresh Seafood SAS í Frakklandi, 67% hlutafjár í Ice Fresh Seafood Spain S.L. og helmingshlut í Aquanor Marketing Inc. í Bandaríkjunum fyrir samtals 13,9 milljónir evra sem samsvarar rúmlega tveimur milljörðum króna
Verðmæti félaganna fjögurra í þessum viðskiptum er 1,37 sinnum bókfært virði eigin fjár þeirra í árslok 2022.
Félögin voru áður hluti af samstæðu Samherja Holding ehf. og unnið hefur verið að viðskiptunum frá því í lok árs 2022.
Þá mun Ice Fresh Seafood ganga frá kaupum á helmingshlut í sölufélaginu Cabo Norte S.A. á Spáni af Síldarvinnslunni fyrir 4,9 milljónir evra.
Virði hlutarins byggir á því að verðmæti Cabo Norte S.A. sé 1,3 sinnum bókfært virði eigin fjár félagsins í lok árs 2022.
Samanlögð velta að teknu tilliti til sölu milli félaga var 485 milljónir evra.
Samanlögð EBITDA félaganna var 6,7 milljónir evra og var leiðrétt fyrir einskiptis kostnaði hjá Ice Fresh Seafood vegna stríðsins í Úkraínu.
Síldarvinnslan segir fjárfestinguna í samræmi við þá stefnu að grípa þau vaxtartækifæri sem bjóðast og stuðla að aukinni áhættudreifingu og arðsemi í rekstri.
„Ice Fresh Seafood er sölufyrirtæki sem býr yfir margra ára reynslu og sérþekkingu við sölu- og markaðssetningu sjávarafurða. Gústaf Baldvinsson er framkvæmdastjóri Ice Fresh Seafood og hefur gegnt því starfi frá stofnun fyrirtækisins í janúar 2007. Sölunet fyrirtækisins nær til yfir 60 landa og á bak við það er áratuga þekking og viðskiptasambönd á helstu mörkuðum fyrir íslenskt sjávarfang.“
Gunnþór Ingvason, forstjóri Síldarvinnslunnar, mun greina nánar frá viðskiptunum á fjárfestakynningu í kjölfar birtingar uppgjörs þriðja ársfjórðungs 2023, sem er áætlað 23. nóvember næstkomandi.
Gústaf Baldvinsson, framkvæmdastjóri Ice Fresh Seafood:
„Síldarvinnslan hefur verið leiðandi framleiðandi uppsjávarafurða á Íslandi í áratugi. Við hjá Ice Fresh Seafood höfum byggt upp sterk tengsl við fyrirtækið á undanförnum árum með sölu á hluta afurða þess. Með kaupum Síldarvinnslunnar á Vísi hf. í Grindavík varð Síldarvinnslan jafnframt stór framleiðandi bolfiskafurða. Samband okkar við Vísi hf. nær enn lengra aftur enda höfum við séð um sölu á hluta afurða fyrirtækisins í mörg ár. Við þessi viðskipti öðlast Ice Fresh Seafood ákveðna sérstöðu með aukinni aðkomu að sölu bæði íslenskra bolfisk- og uppsjávarafurða. Það skapar spennandi áskoranir sem við hlökkum til að takast á við, “
Gunnþór Ingvason, forstjóri Síldarvinnslunnar:
„Fjárfesting í Ice Fresh Seafood er gerð í því skyni að styrkja sölu- og markaðsmál félagsins og er rökrétt framhald af þróun sem hefur átt sér stað innan Síldarvinnslunnar hf. á undanförnum árum og birtist meðal annars í kaupum á Vísi hf. í Grindavík á síðasta ári. Ice Fresh Seafood hefur í mörg ár verið leiðandi í sölu- og markaðssetningu íslenskra sjávarafurða. Með þessum viðskiptum er Síldarvinnslan að komast lengra í virðiskeðju sjávarútvegs og nær neytendum þeirra afurða sem við framleiðum. Í því felast ákveðin sóknartækifæri.“
