Frumvarp Willum Þórs Þórssonar heilbrigðisráðherra um bann við sölu á sígarettum með mentolbragði eða öðru einkennandi bragði gekk til velferðarnefndar eftir aðra umræðu á Alþingi í gær.
Frumvarpið er innleiðing á tilskipun Evrópusambandsins frá 2014 en gildistaka hefur tafist meðal EFTA-ríkja vegna málaferla í Noregi og Liechtenstein.
Nú er þó komið að því að Ísland renni þessari tilskipun í gegnum þingið og geri að lögum. Meirihluti velferðarnefndar fékk í gegn að seinka gildistöku laganna um nokkur ár þar sem hér reykja tiltölulega fáir en mentólsígarettur eru með mikla markaðshlutdeild.
Frumvarpinu er ætlað að koma í veg fyrir reykingar unglinga með því að banna unglingum sem og fullorðnum að kaupa mentólsígarettur.
Frumvarp Willum Þórs Þórssonar heilbrigðisráðherra um bann við sölu á sígarettum með mentolbragði eða öðru einkennandi bragði gekk til velferðarnefndar eftir aðra umræðu á Alþingi í gær.
Frumvarpið er innleiðing á tilskipun Evrópusambandsins frá 2014 en gildistaka hefur tafist meðal EFTA-ríkja vegna málaferla í Noregi og Liechtenstein.
Nú er þó komið að því að Ísland renni þessari tilskipun í gegnum þingið og geri að lögum. Meirihluti velferðarnefndar fékk í gegn að seinka gildistöku laganna um nokkur ár þar sem hér reykja tiltölulega fáir en mentólsígarettur eru með mikla markaðshlutdeild.
Frumvarpinu er ætlað að koma í veg fyrir reykingar unglinga með því að banna unglingum sem og fullorðnum að kaupa mentólsígarettur.
„Þær ku geymast ágætlega í frysti”
Hildur Sverrisdóttir, þingflokksformaður Sjálfstæðisflokksins, sagði það vissulega verðugt markmið að reyna koma í veg fyrir reykingar hjá ungmennum en frumvarpið væri ólíklegt til að ná því markmiði.
„Þó að ég muni ekki styðja þetta mál, ef áfram heldur sem horfir, þá styð ég þær breytingar sem hér hafa verið gerðar á málinu,“ sagði Hildur á Alþingi í gær.
„EES er vissulega mikilvægasta viðskiptasamband sem við eigum en það er þó ekki alveg fullkomið og sá angi tilskipananna sem þetta mál byggir á er að mínu mati órökstuddur og sýndarlýðheilsuaðgerð þar sem það hefur ekkert að gera með tilgang frumvarpsins um að stemma stigu við tóbaksnotkun ungmenna, sem er frábært markmið,“ sagði Hildur og bætti við að mentól-sígarettur hafi þar afskaplega lítið vægi ef eitthvað.
„Mér þykir þetta því vont mál eða þessi angi málsins öllu heldur og um leið og ég biðst fyrir hönd Alþingis afsökunar gagnvart vinkonum mínum í saumaklúbbum landsins og allra Djamm-reykingarmanna langar mig að segja við þau: Hamstraði mentol-sígaretturnar ykkur næstu fjögur ár. Við fengum það þó í gegn að lengja þetta um fjögur ár. Þær ku geymast ágætlega í frysti,” sagði Hildur að lokum.
