Teppugjöld á leið til New York

Fréttamiðillinn Wall Street Journal tók fyrir umdeilda áætlun New York-borgar en hún felur í sér að draga úr umferðarteppum með svokölluðum teppugjöldum (e. Congestion Tolls).

Tollarnir eru þegar til staðar í borgum eins og London og hafa verið við lýði í 20 ár. Í Stokkhólmi og Gautaborg má einnig finna slíka tolla en þeir eiga bara við um bíla sem eru ekki skráðir í Svíþjóð.

Kerfið virkar þannig að eigandi bíls er rukkaður um ákveðna upphæð um leið og bíllinn keyrir inn á afmarkað svæði þar sem umferðin er talin vera mest. Í London nær svæðið til að mynda um miðja borgina frá Westminster til Spitalfields. Bílstjóri er rukkaður um 15 pund þegar hann keyrir inn á það. Greiðslan gildir svo allan daginn, sama hversu oft bílstjóri keyrir inn eða út af svæðinu.

Fréttamiðillinn Wall Street Journal tók fyrir umdeilda áætlun New York-borgar en hún felur í sér að draga úr umferðarteppum með svokölluðum teppugjöldum (e. Congestion Tolls).

Tollarnir eru þegar til staðar í borgum eins og London og hafa verið við lýði í 20 ár. Í Stokkhólmi og Gautaborg má einnig finna slíka tolla en þeir eiga bara við um bíla sem eru ekki skráðir í Svíþjóð.

Kerfið virkar þannig að eigandi bíls er rukkaður um ákveðna upphæð um leið og bíllinn keyrir inn á afmarkað svæði þar sem umferðin er talin vera mest. Í London nær svæðið til að mynda um miðja borgina frá Westminster til Spitalfields. Bílstjóri er rukkaður um 15 pund þegar hann keyrir inn á það. Greiðslan gildir svo allan daginn, sama hversu oft bílstjóri keyrir inn eða út af svæðinu.

Samgönguráðuneyti New York-borgar áætlar að íbúar í borginni eyði tæplega 117 klukkustundum á hverju ári fastir í umferðinni og segir að nýja kerfið verði komið í gildi innan árs.

Janno Lieber, framkvæmdastjóri ráðuneytisins, segir að suðurhluti Manhattan-eyju, eða allt sem er undir Central Park, verði tollskylt svæði. Hægt verður að keyra á hraðbraut sem liggur við strendur suðurhluta eyjunnar þar sem ekki þarf að borga.

Hann bætir við að verið sé að íhuga afslætti fyrir tekjulága íbúa og þeirra sem neyðast til að keyra inn á svæðið sökum vinnu eða af öðrum ástæðum. Aðspurður um það hvernig peningurinn verður svo nýttur segir Janno að hann verði settur í almenningssamgöngur.

„Það þarf að nota þessa fjármuni í að efla samgöngur og byggja fleiri lestarleiðir, ekki bara að viðhalda því sem við höfum nú þegar,“ segir Janno en 80% af gjöldunum munu renna í neðanjarðarlestarkerfið og sitt hvor tíu prósentan mun fara í Long Island-lestina og Metro-norðurlestina.

Háværustu gagnrýnisraddirnar hafa hins vegar komið frá íbúum í New Jersey-ríki, en bílstjórar þaðan borga þegar 14,75 dali í hvert sinn sem þeir keyra yfir Holland- og Lincoln-göngin til að komast til Manhattan. New Jersey hefur þegar formlega kært bæði New York og bandaríska ríkið fyrir að samþykkja áætlunina.