Hátt í 600 milljón króna utanþingsviðskipti áttu sér stað með bréf Marels í gær sem tilkynnt voru við opnun markaða.
Gengið í viðskiptunum var um 500 krónur á hlut en gengi Marels opnaði í 498 krónum í morgun sem er 1% hærra en dagslokagengið í gær. Gengið hefur þó lækkað á ný og stendur í 493 krónum eftir 700 milljón króna viðskipti.
Hlutabréf í John Bean Technologies, sem hefur lagt fram óskuldbindandi viljayfirlýsingu um að kaupa allt hlutafé Marels, hækkuðu einnig eftir lokun markaða vestanhafs en áætlað er að bréf JBT opni í 106,3 dölum á eftir sem er rúmum 3% hærra en dagslokagengið í gær.
Hátt í 600 milljón króna utanþingsviðskipti áttu sér stað með bréf Marels í gær sem tilkynnt voru við opnun markaða.
Gengið í viðskiptunum var um 500 krónur á hlut en gengi Marels opnaði í 498 krónum í morgun sem er 1% hærra en dagslokagengið í gær. Gengið hefur þó lækkað á ný og stendur í 493 krónum eftir 700 milljón króna viðskipti.
Hlutabréf í John Bean Technologies, sem hefur lagt fram óskuldbindandi viljayfirlýsingu um að kaupa allt hlutafé Marels, hækkuðu einnig eftir lokun markaða vestanhafs en áætlað er að bréf JBT opni í 106,3 dölum á eftir sem er rúmum 3% hærra en dagslokagengið í gær.
Í uppfærða tilboði JBT í hlutafé Marels voru sett skilyrði á valið semtakmarkast af því að vegið meðaltal fulls endurgjalds JBT fyrir allt hlutafé í Marel verði 65% í formi afhentra hlutabréfa í JBT og um 35% í formi reiðufjár, sem myndi leiða til þess að hluthafar Marel eignist 38% hlutafjár sameinaðs félags.
Í ársuppgjöri JBT er greint frá því að miðað sé við skiptigengið 96,25 dalir á hlut í viðskiptunum sem er um 10 dölum lægri en núverandi gengi félagsins.
Stjórnir félaganna tveggja eru í viðræðum um þessar mundir en JBT hyggst leggja fram valfrjálst yfirtökutilboð í Marel á fyrsta ársfjórðungi 2024.
Í janúar síðastliðnum ákvað tilnefningarnefnd Marels að stöðva leit að nýjum einstaklingum í stjórn Marels í ljósi yfirvofandi tilboðs JBT.
