Samkvæmt mánaðarskýrslu Húsnæðis- og mannvirkjastofnunar námu hrein íbúðalán til heimila 12,9 milljörðum króna í septembermánuði. Ný verðtryggð lán til heimila námu 30,1 milljarði króna og hafa þau verið jákvæð undanfarið rúmt ár.
„Uppgreiðslur óverðtryggðra lána aukast mikið en alls voru 17,2 ma. kr. af óverðtryggðum lánum greidd upp eða 1,3% allra óverðtryggðra lána til heimila. Uppgreiðslur óverðtryggðra lána eru nú um tvöfalt meiri en uppgreiðslur verðtryggðra lána voru mestar eftir vaxtalækkanir í heimsfaraldrinum,“ segir í skýrslunni.
Samkvæmt mánaðarskýrslu Húsnæðis- og mannvirkjastofnunar námu hrein íbúðalán til heimila 12,9 milljörðum króna í septembermánuði. Ný verðtryggð lán til heimila námu 30,1 milljarði króna og hafa þau verið jákvæð undanfarið rúmt ár.
„Uppgreiðslur óverðtryggðra lána aukast mikið en alls voru 17,2 ma. kr. af óverðtryggðum lánum greidd upp eða 1,3% allra óverðtryggðra lána til heimila. Uppgreiðslur óverðtryggðra lána eru nú um tvöfalt meiri en uppgreiðslur verðtryggðra lána voru mestar eftir vaxtalækkanir í heimsfaraldrinum,“ segir í skýrslunni.
Hrein ný íbúðalán frá bönkum til heimila námu 7,7 milljörðum í september en hrein ný íbúðalán frá lífeyrissjóðum til heimila námu 6,2 milljörðum.
Á þriðja ársfjórðungi námu hrein ný íbúðalán til heimila 21,8 milljörðum frá bönkum og 17,9 milljörðum frá lífeyrissjóðum.
„Það sem af er ári hafa lífeyrissjóðir lánað umfram uppgreiðslur og aðrar umframgreiðslur fyrir 49,6 ma. kr. samanborið við 41 ma. kr. sem bankar hafa lánað í formi nýrra íbúðalána til heimila,“ segir í skýrslunni.
Hlutdeild lífeyrissjóða á íbúðalánamarkaði hefur því vaxið á árinu úr 22,8% í byrjun árs og er nú 24% en hæst fór hlutdeild þeirra í útistandandi íbúðalánum til heimila í 29,6% í apríl 2020,“ segir í skýrslunni.
![](http://vb.overcastcdn.com/images/128752.width-1160.png)
Verðtryggð lán banka til heimila námu 25,6 milljörðum í september og þar af voru 22,6 milljarðar á breytilegum vöxtum en 3 milljarðar á föstum vöxtum.
Uppgreiðslur óverðtryggðra lána til banka námu 17,9 milljörðum en heimilin greiddu upp 19,5 milljarða af óverðtryggðum lánum á breytilegum vöxtum í september en á sama tíma voru hrein ný óverðtryggð lán heimila á föstum vöxtum tekin fyrir 1,5 milljarða.
![](http://vb.overcastcdn.com/images/128753.width-1160.png)