Fjárfesting í hlutabréfasjóðum tók ötlítið við sér í október eftir sögulega dræma sölu á hlutdeildarskírteinum í septembermánuði.
Sala á hlutdeildarskírsteinum nam 314 milljónum króna á meðan útflæðið var 1,7 milljarðar króna.
Mun það vera hækkun úr 160 milljónum í septembermánuði en fjárfesting í hlutabréfasjóðum náði sögulega lágmarki í september og hafði ekki verið minni í 13 ár.
Htrein útflæði úr hlutabréfabréfasjóðum hélt því áfram þriðja mánuðinn í röð og nam 1,4 milljörðum í október.
Fjárfesting í hlutabréfasjóðum tók ötlítið við sér í október eftir sögulega dræma sölu á hlutdeildarskírteinum í septembermánuði.
Sala á hlutdeildarskírsteinum nam 314 milljónum króna á meðan útflæðið var 1,7 milljarðar króna.
Mun það vera hækkun úr 160 milljónum í septembermánuði en fjárfesting í hlutabréfasjóðum náði sögulega lágmarki í september og hafði ekki verið minni í 13 ár.
Htrein útflæði úr hlutabréfabréfasjóðum hélt því áfram þriðja mánuðinn í röð og nam 1,4 milljörðum í október.
Heimili minnka við sig
Fyrir utan fjármálageirann eru heimili og lífeyrissjóðir helstu eigendur hlutdeildarskírteina í hlutabréfasjóðum.
Eignir heimila í hlutabréfasjóðum minnkaði á milli mánaða um rúma 2 milljarða og fór úr 34,6 milljörðum í 32,3 milljarða. Eignir lífeyrissjóða minnkuðu einnig milli mánaða um rúma tvo milljarða og stóðu í 32,3 milljörðum í lok október.
Fjármálageirinn er enn þá stærsti eigandi hlutabréfaskírteina en eignir fóru úr 62,4 milljörðum í 57,8 milljarða milli mánaða.
Lífeyrissjóðir keyptu í peningamarkaðssjóðum
Fjárfesting í blönduðum verðbréfasjóðum jókst milli mánaða og fór sala á hlutdeildarskírteinum úr 4,9 milljörðum í september í 6,2 milljarða í október.
Útflæðið lækkaði lítillega milli mánaða og fór úr 4,4 milljörðum í 4,2 milljarða.
Innflæði í blandaða sjóði var því jákvætt um rúma 2 milljarða.
Innflæði í peningamarkaðssjóði var meira en útflæði í október sem var viðsnúningur frá síðasta mánuði.
Sala á hlutdeildarskírteinum í peningamarkaðssjóðum jókst um 5 milljarða milli mánaða á meðan útflæði dróst saman um milljarð.
Eignir heimilanna í peningamarkaðssjóðum jukust um milljarð milli mánaða á meðan lífeyrissjóðir bættu eignir sínar um 5,5 milljarða í október og stóðu eignir þeirra í 12,8 milljörðum í lok mánaðar.
Velta á markaði jókst um 22%
Íslenski hlutabréfamarkaðurinn tók við sér í síðasta mánuði eftir annars vegar dauft ár.
Úrvalsvísitalan OMXI 10 hækkaði um 5,1% í nóvember. Heildarviðskipti með hlutabréf í mánuðinum námu 62,5 milljörðum eða 2.839 milljónum á dag.
Mun það vera 22% hækkun frá fyrri mánuði, en í október námu viðskipti með hlutabréf 2.336 milljónum á dag.
Heildarfjöldi viðskipta með hlutabréf í nóvember voru 7.909 talsins eða 360 að jafnaði á dag.
Það er 37% hækkun frá fyrri mánuði, en í október voru viðskipti með hlutabréf 263 að jafnaði á dag.
