Benedikt Gíslason, bankastjóri Arion Banka, var í viðtali hjá Túrista í dag, þar sem hann var meðal annars spurður um hvort það væri pláss fyrir tvö íslensk flugfélög að gera út á sama markaði líkt og Icelandair og Play.
„Ég myndi svara þessu með annarri spurningu: Er eitthvað virði í þessum tengiflugvelli sem Keflavík er fyrir stærri einingu? Ég held að svarið við því gæti verið já,” sagði Benedikt áður en hann var spurður á ný um hvort það væri skynsamlegra að sameina Icelandair og Play.
Benedikt Gíslason, bankastjóri Arion Banka, var í viðtali hjá Túrista í dag, þar sem hann var meðal annars spurður um hvort það væri pláss fyrir tvö íslensk flugfélög að gera út á sama markaði líkt og Icelandair og Play.
„Ég myndi svara þessu með annarri spurningu: Er eitthvað virði í þessum tengiflugvelli sem Keflavík er fyrir stærri einingu? Ég held að svarið við því gæti verið já,” sagði Benedikt áður en hann var spurður á ný um hvort það væri skynsamlegra að sameina Icelandair og Play.
„Nei, ég er tala um að þessi flugfélög gætu orðið hluti af stærri einingu sem hefur starfsemi víðar og er ekki bara með eina tengimiðstöð. Þeir fjárfestar sem hafa lagt Play til mest fé eru mjög upplýstir og hafa sett í þetta fjármuni sem þeir hafa væntanlega efni á að tapa. Eru þó með einhver fjárfestingaáform og ég myndi halda að það sem vaki meðal annars fyrir fjárfestum sé að þetta geti orðið hluti af stærri samstæðu. Að uppbyggingin á þessum tengiflugvelli hér myndi krefjast fjármuna sem fást kannski til baka og einhver ávöxtun á þá,“ sagði Benedikt í samtali við Túrista.is
Að hans mati snýst þetta ekki um hvort flugfélagið „lifi af í þessari hörðu samkeppni sem er hér heldur meira um hvernig alþjóðlegur flugrekstur þróast.“
Hægt er að lesa viðtal Túrista við Benedikt hér.