Skemmtanastýran Margrét Tryggvadóttir og vinir hennar í Nova, hressasta lögaðila Íslands, sönnuðu enn og aftur á dögunum að þau láta ekki gott partý framhjá sér fara.
Skemmtanastýran Margrét Tryggvadóttir og vinir hennar í Nova, hressasta lögaðila Íslands, sönnuðu enn og aftur á dögunum að þau láta ekki gott partý framhjá sér fara.
Þannig hvatti Nova til þess í yfirlýsingu sem Heimir Örn Herbetsson, lögmaður Nova, var skrifaður fyrir að fjárheimildir majóneseftirlits Páls Gunnars Pálssonar yrðu auknar. Tilefnið var tilkynning eftirlitsins þess efnis að ekki yrði aðhafst frekar í máli sem varðaði heildsölu og dreifingu Símans á ensku úrvalsdeildinni í knattspyrnu, m.a. vegna verkefnaálags.
Eins og þekkt er orðið hefur Nova lagt mikla áherslu á að vekja athygli á mikilvægi þess að hlúa að geðheilsunni. Þarna virðist félagið hafa útvíkkað vitundavakningarherferð sína með því að stuðla að bættri geðheilsu harðduglegs starfsfólks eftirlitsstofnunarinnar, sem m.a. vann það þrekvirki að skrifa 130 blaðsíðna skýrslu um íslenska majónesmarkaðinn fyrir um ári síðan.
Huginn og Muninn er einn af skoðanadálkum Viðskiptablaðsins. Þessi pistill birtist fyrst í Viðskiptablaðinu.
