Breski ökuþórinn Lewis Hamilton mun yfirgefa formúlu 1 lið Mercedes og semja við Ferrari fyrir tímabilið 2025. Þetta kemur fram í tilkynningu frá Mercedes enSky News greinir frá.
Toto Wolff, liðsstjóri Mercedes, mun ávarpa starfsmenn liðsins bráðlega en von er á formlegri tilkynningu seinna í dag.
Samkvæmt Sky var grunur um að Hamilton myndi semja við Ferrari fyrir 2024 tímabilið en hann skrifaði undir 100 milljón punda samning við Mercedes til tveggja ára í fyrra.
Hamilton, sem hefur unnið sjö heimsmeistaratitla, mun því keyra fyrir Mercedes til ársloka.
Hann mun að öllum líkindum leysa Carlos Sainz ökuþór Ferrari á næsta ári en samningur hans rennur út eftir þetta tímabil.
