Kvikmyndin The Zone of Interest, sem er nú sýnd í Bíó Paradís, er sannsöguleg mynd sem segir frá lífi Rudulf Höss, sem var yfirmaður í útrýmingarbúðunum í Auschwitz. Myndin greinir frá lífi hans og fjölskyldu en þau bjuggu í fallegu húsi sem staðsett var við hlið útrýmingarbúðanna.
Myndin var frumsýnd á kvikmyndahátíðinni Cannes þar sem hún vann dómnefndarverðlaunin og er tilnefnd til fimm Óskarsverðlauna, meðal annars sem besta myndin og besta erlenda myndin.
Kvikmyndin The Zone of Interest, sem er nú sýnd í Bíó Paradís, er sannsöguleg mynd sem segir frá lífi Rudulf Höss, sem var yfirmaður í útrýmingarbúðunum í Auschwitz. Myndin greinir frá lífi hans og fjölskyldu en þau bjuggu í fallegu húsi sem staðsett var við hlið útrýmingarbúðanna.
Myndin var frumsýnd á kvikmyndahátíðinni Cannes þar sem hún vann dómnefndarverðlaunin og er tilnefnd til fimm Óskarsverðlauna, meðal annars sem besta myndin og besta erlenda myndin.
Rudolf Höss var þýskur foringi í SS-sveit nasista í seinni heimsstyrjöldinni. Áður en hann var hengdur fyrir stríðsglæpi sína var hann yfirforingi í útrýmingarbúðunum í Auschwitz frá 1940 til 1943 og svo aftur frá 1944 til 1945. Hann er talinn hafa borið ábyrgð á dauða milljón fanga í útrýmingarbúðunum.
The Zone of Interest byrjar á því að sýna fjölskyldu Höss syndandi í á skammt frá búðunum á sólríkum sumardegi. Fjölskyldan lifir öll friðsælu lífi á heimili sínu hinum megin við vegg frá búðunum og eyðir tíma sínum í fallegum garði eða í matarboðum.
Myndin er ólík mörgum öðrum myndum sem fjalla um útrýmingarbúðir nasista að því leytinu til að áhorfendur sjá í raun aldrei hryllinginn sjálfan. Það er aðeins gefið í skyn hvað á sér stað hinum megin við vegginn en reglulega heyrast byssuskot, öskur og hundar að gelta. Á kvöldin sést svo reykmökkur úr ofnunum eða lest á leið til útrýmingarbúðanna.
Einu fangarnir sem sjást í myndinni eru þeir gyðingar sem fá að þjóna húsbóndanum og fjölskyldu með því að hella víni í glös eða þvo fötin þeirra. Myndin gefur einnig í skyn að Höss hafi átt í kynferðislegu sambandi við fanga Auschwitz.
Það er ekki erfitt að sjá hvers vegna The Zone of Interest er tilnefnd til fimm Óskarsverðlauna. Hún sýnir hliðar stríðsins sem eru sjaldséðar á hvíta tjaldinu og skapaði alvarleiki myndarinnar það mikla þögn í nánast fullum bíósal og það var varla hægt að heyra poppkorn detta á gólfið.
Fyrir utan Schindler‘s List er varla hægt að finna jafn góða mynd sem fjallar jafn ítarlega um hrylling útrýmingarbúða, meðvirkni fjölskyldna og illsku mannskepnunnar.
