Sigurður Sævar Magnúsarson opnaði einkasýningu á verkum sínum í Gallerí Portfolio á Hverfisgötu 71 í fyrradag. Fjöldi gesta mætti á opnunina en þetta er fyrsta einkasýning Sigurðar Sævars hérlendis, eftir útskrift frá Konunglegu listaakademíunni í Haag í sumar.
Sigurður Sævar Magnúsarson opnaði einkasýningu á verkum sínum í Gallerí Portfolio á Hverfisgötu 71 í fyrradag. Fjöldi gesta mætti á opnunina en þetta er fyrsta einkasýning Sigurðar Sævars hérlendis, eftir útskrift frá Konunglegu listaakademíunni í Haag í sumar.
![](http://vb.overcastcdn.com/images/128635.width-1160.jpg)
Sýningin í Gallerí Portfolio ber heitið Millilending og er vísun í tímamót í lífi listamannsins þar sem hann teflir saman minningum úr lífi sínu síðustu misserin. Í verkum Sigurðar Sævars má finna fyrir sögur eða augnablik sem eru sprottin út frá minningum sem hann síðan yfirfærir á strigann.
![](http://vb.overcastcdn.com/images/128636.width-1160.jpg)
Minningar geta í sjálfu sér verið blanda af atburðum og upplifunum og má það nema í verkum Sigurðar Sævars sem súrrealisma sem hann setur fram á léttan hátt. Verkum Sigurðar Sævars má líkja við óræð senubrot en þau eru unnin með það í huga að vera áhorfandanum aðgengileg, til að mynda með tilvísun í ákveðinn kunnugleika og kennileiti sem veitir hverjum og einum svigrúm til að setja eigin meiningu í myndverkin.
![](http://vb.overcastcdn.com/images/128637.width-1160.jpg)
Sigurður Sævar hóf ungur feril sinn á sviði myndlistar og hefur frá árinu 2015 unnið verk með olíu á striga. Hann hefur tekið þátt í samsýningum og haldið sýningar í Hörpu, í Perlunni, í Kringlunni og í eigin húsnæði sem áður hýsti Veitingahúsið Argentínu á Barónsstíg.
![](http://vb.overcastcdn.com/images/128638.width-1160.jpg)
Í framhaldi af útskriftarsýningu hans frá Konunglegu listaakademíunni, síðastliðið sumar 2023, voru verk hans valin á samsýningu í Ron Mandos galleríinu í Amsterdam á sýninguna Best of Graduates 2023.
![](http://vb.overcastcdn.com/images/128639.width-1160.jpg)