Á næstu dögum verður endanlegt tilboð John Bean Technologies (JBT) í allt hlutafé Marels lagt fram, en stjórnir félaganna tveggja samþykktu helstu skilmála í byrjun apríl. Síðastliðið ár hjá Marel hefur vægast sagt verið viðburðaríkt, en samhliða yfirvofandi yfirtökutilboði og forstjóraskiptum hafa ytri aðstæður á markaði haft neikvæð áhrif á afkomuna.
Árni Sigurðsson, forstjóri Marels, sér mikla samlegð með JBT og Marel en seg ir stefnu félagsins skýra, hvort sem hluthafar Marels samþykki tilboðið eða ekki. Hann sér mikil sóknarfæri fyrir Marel í Bandaríkjunum, sem eru sífellt stækkandi markaður, en þrátt fyrir að afkoma Marels hafi verið undir væntingum síðastliðið ár segir Árni vísbendingar um viðsnúning víða.
Á næstu dögum verður endanlegt tilboð John Bean Technologies (JBT) í allt hlutafé Marels lagt fram, en stjórnir félaganna tveggja samþykktu helstu skilmála í byrjun apríl. Síðastliðið ár hjá Marel hefur vægast sagt verið viðburðaríkt, en samhliða yfirvofandi yfirtökutilboði og forstjóraskiptum hafa ytri aðstæður á markaði haft neikvæð áhrif á afkomuna.
Árni Sigurðsson, forstjóri Marels, sér mikla samlegð með JBT og Marel en seg ir stefnu félagsins skýra, hvort sem hluthafar Marels samþykki tilboðið eða ekki. Hann sér mikil sóknarfæri fyrir Marel í Bandaríkjunum, sem eru sífellt stækkandi markaður, en þrátt fyrir að afkoma Marels hafi verið undir væntingum síðastliðið ár segir Árni vísbendingar um viðsnúning víða.
„Eins og við höfum séð síðustu misseri hefur ytra umhverfið verið mjög krefjandi,“ segir Árni.
„Reynsluboltar sem hafa verið lengi í bransanum, fyrirtæki á borð Tyson og Pilgrim’s Pride, hafa í rauninni ekki séð svona niðursveiflu í öllum helstu heimshlutum og eins að það gangi yfir allar tegundir prótína á sama tíma,“ segir Árni.
Marel skilaði 31 milljónar evra hagnaði eftir skatta í fyrra, eða sem nemur um 4,6 milljörðum króna á gengi dagsins. Til samanburðar hagnaðist félagið um 58,7 milljónir evra árið 2022, eða um 8,4 milljarða króna.
Fyrsti ársfjórðungur var félaginu einnig þungur, en Marel tapaði 3,2 milljónum evra eða næstum hálfum milljarði, á fyrstu mánuðum ársins. Mun það vera töluverður viðsnúningur á milli ára, en Marel hagnaðist um 1,4 milljarða á fyrsta ársfjórðungi 2023.
„Það eru auðvitað ákveðnir þættir sem höfðu áhrif á neysluvenjur síðustu misseri. Í heimsfaraldrinum jókst sala í stórmörkuðum til dæmis á kostnað veitingastaða, sem hefur svo aftur náð jafnvægi. Svo er það auðvitað efnahagsumhverfið, þessi mikla verðbólga sem fylgdi í kjölfarið og hærri vextir eftir mjög lágt vaxtaumhverfi í langan tíma og innrásin í Úkraínu hefur líka haft sitt að segja,“ segir Árni og bætir við að allt þetta hafi auðvitað áhrif á viðskiptavini Marels og fjárfestingargetu þeirra.
Hægt er að lesa lengri lengri útgáfu af þessari frétt í Viðskiptablaðinu sem kom út í morgun en þar fer Árni yfir yfirtökutilboð JBT og horfur fyrir Marel á komandi árum.
Áskrifendur geta lesið viðtalið hér.