Ársverk Sorpu voru 150 í fyrra og fjölgaði um 20 frá fyrra ári. Ársverk voru 112 árið 2019 og starfsfólki Sorpu hefur því fjölgað um þriðjung á fjórum árum. Laun og launatengd gjöld námu 2,2 milljörðum króna í fyrra og jukust um 22% frá árinu 2022.

Eignir Sorpu námu tæplega 9,7 milljörðum króna í lok síðasta árs og eigið fé 5,8 milljörðum. Félagið skuldaði lánastofnunum tæplega 2,3 milljarða um síðustu áramót.

Þar af er tæplega 1,6 milljarða lán frá Lánasjóði sveitarfélaga sem ber 2,45-3,45% verðtryggða vexti og 700 milljóna króna óverðtryggt lán frá Íslandsbanka sem ber 11,53% vexti.

Nánar er fjallað um afkomu Sorpu í Viðskiptablaðinu. Áskrifendur geta nálgast fréttina í heild hér.