Hlutabréfaverð Kviku banka hækkaði um rúmt 1% í meira en 830 milljón króna veltu sem var um helmingur allra viðskipa í Kauphöllinni í dag. Dagslokagengi bankans var 15,15 krónur.
Gengi Kviku hefur nú hækkað um 8% síðastliðinn mánuð en Kvika og Íslandsbanki undirrituðu samning um sölu TM trygginga í síðustu viku.
Endanlegt kaupverð var 28,6 milljarðar króna líkt og kveðið var á um í tilboðinu og áætlar Eiríkur Magnús Jensson fjármálastjóri Kviku að um 14 milljarðar muni fara í að auka eigið fé bankastarfseminnar.
Hlutabréfaverð Kviku banka hækkaði um rúmt 1% í meira en 830 milljón króna veltu sem var um helmingur allra viðskipa í Kauphöllinni í dag. Dagslokagengi bankans var 15,15 krónur.
Gengi Kviku hefur nú hækkað um 8% síðastliðinn mánuð en Kvika og Íslandsbanki undirrituðu samning um sölu TM trygginga í síðustu viku.
Endanlegt kaupverð var 28,6 milljarðar króna líkt og kveðið var á um í tilboðinu og áætlar Eiríkur Magnús Jensson fjármálastjóri Kviku að um 14 milljarðar muni fara í að auka eigið fé bankastarfseminnar.
Hlutabréfaverð Alvotech hækkaði einnig um rúm 1% í 216 milljón króna veltu og hefur gengi líftæknilyfjafyrirtækisins nú hækkað um 5% síðastliðinn mánuð.
Gengi Arion banka lækkaði mest er hlutabréfaveð bankans fór niður um 1,5% í 123 milljón króna viðskiptum en gengi bankans hefur lækkað um 10% á árinu.
Heildarvelta á markaði var um 2,1 milljarðar og hækkaði úrvalsvísitalan um 0,02%.
